O sábado 30 de maio, diversos grupos e colectivos convocamos baixo o berro: “Por unha cidade libre de militares”. Nesa xornada, animamos a participar na manifestación que sairá ás 12:00 h desde Vía Norte, en Vigo.

Fronte á militarización da cidade co gallo da celebración do Día das Forzas Armadas, chamamos á mobilización colectiva. Nós participaremos dentro do bloque dos movementos sociais, no marco da campaña “Desarma Vigo”.

Reproducimos a continuación o derradeiro parágrafo do manifesto da campaña, co que tamén queremos convidar á participación:

“Fronte a este estado de cousas, cómpre volver poñer en valor as tradicións emancipadoras e os valores universais que forman parte da nosa cultura política, como o antimilitarismo, nunha cidade de longa traxectoria reivindicativa. Neste sentido, desde o Espazo Aberto Antimilitar, facemos un chamamento á opinión pública a organizarse para opoñerse ao avance da militarización da nosa cidade e da sociedade en xeral e, en particular, a rexeitar que Vigo se converta no escenario da celebración do Día das Forzas Armadas”.

Desde o Espazo Aberto Antimilitar queremos amosar o noso apoio ao manifesto "Otra paz é posible".

A continuación achegamos dito manifesto e os formularios cos que seguir recompilando apoios:

OTRA PAZ ES POSIBLE

Manifiesto por la Paz, la Desmilitarización y la Desobediencia

Quienes firmamos este manifiesto —pacifistas, antimilitaristas, activistas de la objeción e insumisión, participantes en movimientos sociales y sindicales, y personas comprometidas con la educación y la cultura— apelamos a la sociedad civil a asumir una responsabilidad colectiva inaplazable: convertir el anhelo de paz en una fuerza política capaz de impugnar el orden militar que se nos impone bajo el pretexto de la seguridad. No buscamos adhesiones pasivas, sino la movilización consciente contra los pilares del régimen de guerra permanente: el rearme, la militarización de la vida pública y la normalización cultural de la violencia.

Penduramos o audio da charla de Rafael Ajangiz, profesor de Ciencia Política na Euskal Herriko Unibertsitatea (UPV/EHU) e autor da publicación Servicio militar obligatorio en el siglo XXI, editada polo Centro de Investigaciones Sociológicas (CIS). Ademais, foi militante do Movemento de Obxección de Conciencia (MOC) entre 1982 e 1998 e membro do consello da Internacional de Resistentes á Guerra (IRG) entre 1994 e 1998.

A charla, celebrada o 23 de maio, está incluída na campaña “Desarma Vigo. Por unha cidade libre de militares”, organizada polo Espazo Aberto Antimilitar durante este mes de maio en oposición á celebración do Día das Forzas Armadas, que culminará o vindeiro 30 de maio cun desfile militar polas rúas de Vigo.

A continuación deixamos o audio da conferencia de Juan Carlos Roig (colaborador do Grupo Antimilitarista Tortuga e analista do gasto militar) impartida no marco das xornadas "Desarma Vigo" denunciando o desfile do Día das Forzas Armadas 2026, na que se pon de relevo o rearme do Estado español e o seu papel nas estruturas militares europeas, co telón de fondo do réxime de guerra.

Podedes escoitalo en archive: https://archive.org/details/9-de-maio

O xoves 7 de maio o Espazo Aberto Antimilitar presentamos a campaña pola Obxección Fiscal ao Gasto Militar no local de Árbore (López Mora 30, Vigo) ás 19h30.

O lema escollido para a campaña de Obxección Fiscal é "Desarma Vigo, desarma os teus impostos". No acto, ademais de dar conta dos motivos que nos levan a animar a obxectar ás guerras nas nosas declaracións da renda, reforzaremos o chamamento -que estamos a facer xunto con outros grupos e colectivos- a saír ás rúas da cidade para manifestar o rexeitamento á presenza de militares no mes de maio, co galo do Día das Forzas Armadas, que este ano celébrase en Vigo.

Na presentación resolveremos dúbidas sobre como facer a obxección fiscal e contaremos coa presenza de persoas dos grupos que propoñemos como destinos das obxeccións. Un deles é o colectivo de persoas sancionadas polas protestas durante a Volta Ciclista a España: máis de dúas ducias de persoas foron multadas en Galiza por participar nesta acción de denuncia contra o xenocidio que o Estado de Israel está a cometer contra o pobo palestino. Tamén contaremos coa presenza da Asociación de Amizade Galego-Cubana Francisco Villamil, que ten en marcha unha recollida de fondos e material sanitario para enviar a Cuba en contedores de axuda médica.

Dende o Espazo Aberto Antimilitar propoñemos, dentro da campaña galega pola Obxección Fiscal aos Gastos Militares 2026, varios destinos aos que podedes enviar os cartos que desviedes nas vosas declaracións:

- Campaña de apoio ás persoas sancionadas polas protestas durante a Volta Ciclista España: máis de dúas ducias de persoas foron multadas na Galiza por participar nesta acción de denuncia contra o xenocidio que o Estado de Israel está a cometer sobre o pobo palestino.

- Campaña galega de apoio á sanidade cubana: a Asociación de Amizade Galego-Cubana Francisco Villamil ten en marcha unha recollida de fondos e material sanitario para enviar a Cuba contedores con axuda médica. Podes atopar o número de conta para os ingresos e máis información na páxina: terrasenamos.org/campanhas

Desde o Espazo Aberto Antimilitar, outro ano máis, facemos unha chamada á desobedecer á guerra cos nosos impostos facendo Obxección Fiscal ao Gasto Militar nas declaracións da renda.

Se queredes saber como se fai Obxección Fiscal na declaración da renda visita esta web: https://www.grupotortuga.com/Como-se-hace-la-Objecion-Fiscal-al

Achegamos o texto da campaña galega deste ano, co que convidamos a destinar unha parte dos impostos a proxectos que, no día a día, contribúen a construír sociedades máis xustas e igualitarias, nas que o ámbito militar teña unha presenza moito menor ca na actualidade.

DESARMA VIGO. POR UNHA CIDADE LIBRE DE MILITARES

Hoxe comeza a campaña da Renda 2025, o momento no que o Estado aproveita para axustar contas cunha gran cantidade de contribuíntes. Desde hai anos, numerosos colectivos de diferentes puntos do Estado aproveitamos esta data para lanzar a Campaña de Obxección Fiscal ao Gasto Militar.

Segundo Juan Carlos Rois, que participará no mes de maio nas xornadas Desarma Vigo, o Estado destinou máis de 65.000 millóns de euros ao gasto militar en 2025. Falamos do 3,92 % do PIB, unha cifra sensibelmente superior ao tan publicitado aumento ao 2 %. Se engadimos o gasto en control social, a porcentaxe elévase ata o 4,69 %.

A Obxección Fiscal ao Gasto Militar é a negativa a colaborar co Estado nos gastos de preparación de guerras e de mantemento da estrutura militar, exercendo unha desobediencia activa no momento de realizar a declaración da renda (IRPF).