No ano 2011, o gasto militar do Estado español ascendeu a 47 millóns de euros… cada día. Case dous millóns de euros á hora, nun país no que a única música que se escoita é a do recorte: recortes en educación, en sanidade, en dereitos, en medios de subsistencia; en vida. Ademais, o Goberno recoñece unha débeda por gastos militares de, polo menos, trinta e seis mil millóns de euros. Xa nos podemos facer unha idea de como se vai pagar.

Esta política de investimento militar non semella que vaia ser modificada polo “novo” Executivo. O actual Ministro de Defensa, Pedro Morenés, foi xa Secretario de Defensa na época do goberno Aznar, momento no que podemos atopar a orixe da débeda antes apuntada e que foi incrementada de xeito entusiasta polos gobernos de Zapatero. Morenés, ademais, é un dos claros exemplos de relación entre gobernos e industria militar, tendo ocupado nos últimos anos o posto de Director Xeral no estado español de MBDA, considerada a segunda empresa máis importante a nivel mundial no deseño, fabricación e venda de mísiles.

Malia que nos venden unha guerra aséptica, sen vinculación coas nosas vidas moi preto de nós estase a preparar a guerra que mata en lugares coma Afganistán, Iraq, Siria...

Se detemos a ollada en Galiza atopamos o seguinte listado da industria da guerra:

- CORITEL S.A. (Vigo): subministración de produtos varios e textís.

- FACOR - FÁBRICA DE ARMAS DE LA CORUÑA S.A. (A Coruña): armas lixeiras e municións (extinguida).

Tras a presentación dos Orzamentos Xerais do Estado Español para este ano 2012 unha cousa quedaba clara, é que Defensa era un dos ministerios que menos cartos perdía cos recortes orzamentarios. Pero a xente de Utopía Contagiosa di que o recorte é de só o 1,298% fronte ao 8,8% anunciado, así nolo din eles:

"La primera conclusión es que, a pesar que desde los voceros del Ministerio de Defensa dicen que el descenso de sus gastos va a ser un 8’8 %, el verdadero gasto militar va a bajar sólo – 223’89 millones de €, es decir un 1’298 % menos que el año pasado.

La siguiente conclusión es que el gobierno del PP, a pesar de su cacareada ley de transparencia, sigue manipulando las cifras del gasto militar y las esconde dentro de otros ministerios con total impunidad.

Una tercera conclusión es que el mundo militar sigue siendo insolidario con los civiles en estos tiempos de crisis galopante y de recortes generalizados."

Dende o Espazo volvemos a promover outro ano máis a campaña pola Obxección Fiscal aos Gastos Militares, que este ano centramos na industria militar: "Pola mesma razón que a industria do turismo necesita turistas, a industria armamentística precisa das guerras, dos conflitos e das amenzas á seguridade para colocar os seus produtos; necesita violencia, medo e mortos"

Deste xeito o venres 13 de abril convidamos a que asistades á charla-presentación que leva por título: "Industria militar, un negocio sen crise". Contaremos coa presenza de Jordi Calvo, membro do "Centre d'Estudis per a la Pau JM Delás de Justicia i Pau" que presentará o último informe "La banca armada. Inversiones explosivas de bancos y cajas" ademais de nos falar do negocio da guerra en España.

Ademais o acto servirá para presentar a campaña 2012 pola OF aos Gastos Militares que lanzamos dende o Espazo Aberto Antimilitar.

Un dos grupos propostas como destino da campaña pola OF 2012, a Asemblea pola defensa do barrio do Cura, organiza o vindeiro sábado 14 de abril as II Xornadas en Defensa do Barrio do Cura. O programa é o seguinte:

12h00 - Roteiro guiado: descubre a zona máis descoñecida e ameazada do Casco Vello de Vigo. Sairá da oliveira situada no Paseo de Alfonso

No Espazo Aberto Antimilitar estamos a preparar a campaña 2012 pola Obxección Fiscal aos Gastos Militares.Este ano faremos especial fincapé na industria militar, a presentación da campaña a faremos o vindeiro venres 13 cunha charla a cargo de Jordi Calvo (Centro Delás) sobre estes temas.

O que si adiantamos son os destinos que propoñemos este ano para desviar os cartos das vosas declaracións:

- “Asemblea pola defensa do Barrio do Cura”: espazo de confluencia de diferentes persoas que decidiron plantar cara á especulación urbanística que ameaza este pequeno reduto do Casco Vello de Vigo, recuperando a capacidade de intervención das veciñas e veciños na xestión do territorio que habitamos.

A xornalista Marga Tojo elaborou unha reportaxe para o xornal dixital Dioivo no que fai un repaso do negocio da guerra no Estado Español a propósito dos últimos datos publicados sobre a venta de armamento a escala mundial. A nova recolle tamén unha entrevista a Jordi Calvo (Centro Delás) que vai estar con nós a mediados de abril para falar da industria militar.

Así comeza o artigo: "O Estado español é un grande exportador de armas. En concreto, o sexto mellor do planeta. Confiou no negocio, investíu, e nunha década incrementou un 900% a súa venda exterior. Desde o ano 2007 conta cunha lei que prohibe o comercio de munición nuns supostos amplos pero ben definidos. Falamos das situacións de conflito, perfiladas do seguinte modo: Cando existan indicios racionais de que poidan ser empregadas en accións que perturben a paz, para exacerbar tensións latentes, con fins de represión interna, ou en situacións de violación de dereitos humanos.

As xentes do Centro Delás acaban de publicar o informe número 11 que leva por título: "A banca armada. Inversións explosivas de bancos e caixas" e realizado por Jordi Calvo.

Neste documento sinalan a importancia do financiamento do negocio das armas e o volume que alcanzou nestes últimos anos en sesenta das entidades financierias que operan no Estado Español. O listado da banca española o lideran BBVA e Santander.

Na presentación din por exemplo que "las empresas de armamento necesitan los servicios bancarios, tanto para efectuar sus operaciones comerciales corrientes, como para conseguir fondos extraordinarios que les permitan emprender el desarrollo de nuevas armas, exportar a nuevos mercados y, en definitiva, mantener su pujanza competitiva en un sector eminentemente privado".

O informe o podedes ler e descargar neste enlace: www.centredelas.org/attachments/890_informe11_banca%20armada_cas.pdf