obxección fiscal

Hoxe comeza a campaña da Renda 2025, o momento no que o Estado aproveita para axustar contas cunha gran cantidade de contribuíntes. Desde hai anos, numerosos colectivos de diferentes puntos do Estado aproveitamos esta data para lanzar a Campaña de Obxección Fiscal ao Gasto Militar.

Segundo Juan Carlos Rois, que participará no mes de maio nas xornadas Desarma Vigo, o Estado destinou máis de 65.000 millóns de euros ao gasto militar en 2025. Falamos do 3,92 % do PIB, unha cifra sensibelmente superior ao tan publicitado aumento ao 2 %. Se engadimos o gasto en control social, a porcentaxe elévase ata o 4,69 %.

A Obxección Fiscal ao Gasto Militar é a negativa a colaborar co Estado nos gastos de preparación de guerras e de mantemento da estrutura militar, exercendo unha desobediencia activa no momento de realizar a declaración da renda (IRPF).

O vindeiro 8 de abril Facenda inicia a campaña da renda, e con ela, tamén ábrese a oportunidade de facer Obxección Fiscal aos Gastos Militares.

Achegamos o calendario do contribuínte para termos presentes os diferentes prazos nos que podemos exercer o noso dereito á obxección fronte ao desmesurado gasto militar realizado no ano 2025 e para frear a intención de incrementar este orzamento. É necesario comezar a desmilitarizar a vida e deter a guerra aquí e agora. A Obxección Fiscal ao Gasto Militar é un bo punto de partida para avanzar neste camiño.

Achegamos un artigo das compas de KEMMOC que recolle os datos do informe anual da Obxección Fiscal ao Gasto Militar correspondente ao exercicio fiscal de 2024.

No informe pódense atopar datos como:

- Cando menos 501 persoas fixeron OF, desviando un total de 45.029 €.

- Foron 130 os proxectos e iniciativas que contribúen a construír unha sociedade máis xusta, solidaria e en paz.

Este xoves 5 de xuños imos até Redondela convidadas polo colectivo republicano de Redondela.

O motivo é participar nunha palestra que leva por título: "Militarización e Obxección Fiscal". Será o xoves ás 20h00 na Cas da Cultura (Praza Figueroa 3, Redondela).

Compartiremos a nosa ollada sobre a crecente militarización e daremos conta das estratexias de resistencia colectiva fronte esta vaga, en concreto a campaña pola obxección fiscal aos gastos militares.

Desde o Espazo Aberto Antimilitar, outro ano máis, facemos unha chamada á desobedecer á guerra cos nosos impostos facendo Obxección Fiscal ao Gasto Militar nas declaracións da renda.

Se queredes saber como se fai Obxección Fiscal na declaración da renda visita esta web: https://www.grupotortuga.com/Como-se-hace-la-Objecion-Fiscal-al

Achegamos o texto da campaña deste ano co que animamos a desviar unha parte dos impostos a proxectos que procuran no cotiá facer unhas sociedades máis xustas e igualitarias:

SABOTEAR A GUERRA PARA SALVAR A PAZ

O ideal de experiencia que conforma o choque é a catástrofe (Walter Benjamin, Obra das pasaxes)

A guerra mobiliza, antes do que recursos, sentimentos, de modo que precisa crear as condicións primeiro, para facela posible despois. Todo isto, nunha secuencia temporal que actúa condicionando o corpo social, a través dunha narrativa que celebre a disolución dos límites do consenso, en favor dunha nova orde mundial e a fantasía bélica que a alimenta.

Desde a Coordinadora Antimilitarista Galega facemos unha chamada á desobedecer á guerra cos nosos impostos facendo Obxección Fiscal ao Gasto Militar nas declaracións da renda.

Se queredes saber como se fai Obxección Fiscal na declaración da renda visita esta web: https://objecionfiscal.info/como-se-hace-2/

Achegamos o texto da campaña deste ano co que animamos a desviar unha parte dos impostos a proxectos que procuran no cotiá facer unhas sociedades máis xustas e igualitarias:

É tempo de desmilitarizar; é tempo de desobedecer. Fai obxección fiscal!

Vivimos con guerras, conflitos armados e xenocidios, máis de 50, espallados polo mundo.

E vivimos tempos que parecen anunciar novas guerras, mesmo de natureza nuclear. Día tras día escoitamos voces chamando a prepararse para a guerra, a dedicar cada vez máis recursos á súa preparación.

Desde a Coordinadora Antimilitarista Galega facemos unha chamada á desobedecer á guerra cos nosos impostos facendo Obxección Fiscal ao Gasto Militar nas nosas declaracións da renda.

Se queredes saber como se fai Obxección Fiscal na declaración da renda visita esta web: https://objecionfiscal.info/como-se-hace-2/

Achegamos o texto co animamos a desviar unha parte dos impostos a proxectos que procuran no cotiá facer unhas sociedades máis xustas e igualitarias:

Desde a chegada da democracia, o estado español participou en máis de 100 conflitos militares. Na actualidade mantén 17 operacións militares no exterior e a súa postura coa guerra ucrano-rusa, lonxe de promover unha saída dialogada e unha solución pacífica, está, xunto coa UE, supeditada á OTAN e centrada en apoiar diplomaticamente, con cartos e material bélico, ás tropas ucraínas.

De acordo cos datos publicados polo Grupo Antimilitarista Tortuga, no que levamos de 2023 (ata o 14 de abril), o consello de ministras/os leva autorizados xa 4.289,26 millóns de euros de gasto militar, a maioría con cargo a orzamentos futuros. Desta suma, a maior parte (3.147,66 millóns), estará destinada a préstamos, a interese CERO, á industria militar para o desenvolvemento dos programas Halcón e do avión de combate EF-2000. Unha cantidade superior ao orzamento do ministerio de sanidade no 2023 (3.010 millóns de euros).

Hai uns días que Facenda lanzou a campaña da renda 2022. Lembrade que temos unha oportunidade para desobedecer á guerra facendo Obxección Fiscal aos gastos militares.

O lema deste ano quere chamar a atención sobre o feito de que os cartos que se dilapidan na guerra e na industria militar non van a sanidade, educación, pensións, dereitos sociais e moitos máis ámbitos que ofrecen seguridade para a comunidade.

Nos seguintes día iremos dando máis información sobre a campaña galega.