O vindeiro xoves 9 de xuño a partires das 20h30no CSA Cova dos Ratos o espazo convídavos a asistir á charla-presentación da Plataforma pola Protección da Serra do Galiñeiro (www.serradogalinheiro.org); os seus obxectivos, actividade e ameazas inmediatas ás que se enfrenta a Serra, a cargo dun dos seus membros.

O pasado 31/05 morreu o compañeiro insubmiso Luis Villaverde Caride, que foi o último condenado por ese delito a cumprir condea de carcere no Estado español.

A Asemblea Aberta contra a Guerra volve a convocar unha concentración diante do MARCO (na rúa do Príncipe de Vigo) contra a intervención imperialista en Libia, será o martes 24 ás 20h00.

Con este texto chaman á mobilización:

"Chamamos a todas as persoas conscientes do que está a acontecer en Libia, isto é que os imperialistas vía OTAN están a asasinar a unha poboación e a destruir o país para saquear as súas riquezas naturais, que mostren a solidariedade que merece ese pobo, que fagan ver que non están de acordo coa xente que nos goberna, esa banda de corruptos e terroristas que decidiron unha vez máis meternos nunha guerra en beneficio de catro multinacionais do petróleo e todos os que se benefician desa rapiña. Non podemos aprobar, coa pasividade, este novo crime imperialista!! Manifestemos a nosa protesta participando na concentración. Convoca a Asemblea Aberta Contra a Agresión Imperialista. Acude e difunde."

Pinchando aquí podedes atopar o audio da presentacion dos libros "Ejercitos en las calles. Algunas consideraciones sobre el informe Urban Operations in the year 2020 de la OTAN" e "Si vis pacem. Repensar el militarismo en la epoca de la guerra permanente: Textos de las Jornadas Antimilitaristas de Barcelona, septiembre de 2010" a cargo de dous membros de Bardo Edicións (bardoediciones.net) o 17 de maio de 2011 no CS A Cova dos Ratos de Vigo organizado polo Espazo Aberto Antimilitar dentro dos actos da campaña pola Obxección Fiscal aos Gastos Militares 2011.

O audio con licenza libre neste enalce: www.archive.org/details/PresentacionDosLibrosejercitosEnLasCallesEsiVisPacemDeBardo

Hoxe rescatamos un artigo en forma de carta que o anarquista Campio Carpio (Vigo, Galiza, 1902 – Monte Grande, Arxentina 1989) achegou á redacción da publicación Umbral. Revista mensual de artes letras y estudios sociales á altura de febreiro de 1965. Este mensual parisino foi unha das tantas cabeceiras animadas durante o exilio confederal e libertario en territorio francés após a guerra civil, pero a diferencia das máis o seu cometido era a capacitación cultural dos lectores e non tanto o proselitismo ideolóxico.

É precisamente neste campo onde sobrancea a figura de Campio Carpio grazas á delongada traxectoria intelectual e militante –sempre da man- polas terras de Arxentina. Dicimos intelectual por que a súa producción literaria abrangue diversas áreas temáticas – cunha predilección especial pola crónica bibliográfica- alongándose durante boa parte do século pasado, superpoñéndose con moito a súa identidade real Campio Pérez Pérez.

O texto que tendes á vosa disposición é como dicimos unha carta á War Resisters Internacional (Internacional de Resistentes á Guerra) onde reflicte os puntos en común entre o anarquismo e o antimilitarismo, para seguidamente amosar unha fonda preocupación pola mais que posibel desaparición do seu boletín en diferentes linguas. Todo isto na coxuntura da guerra fría.

Seguen os actos de presentación da campaña pola obxección fiscal, deste xeito e convidadas polo CS Lume o vindeiro xoves 19 de maio, às 20h30 dous compañeiros presentarán nese centro social (Gregorio Espino 55) a campaña. Así o contan na web de Lume:

O Espazo Aberto Antimilitar convídavos á presentación dos libros a cargo de dous compañeiros de Bardo edicións (bardoediciones.net)

- "Ejércitos en las calles. Algunas consideraciones sobre el informe Urban Operations in the year 2020 de la OTAN"

- "Si vis pacem. Repensar el militarismo en la época de la guerra permanente: Textos de las Jornadas Antimilitaristas de Barcelona, septiembre de 2010"

Será o Martes 17 de maio ás 20.00 horas no CSA Cova dos Ratos (rúa Romil, 3 baixo - Vigo).

Un ano máis quixemos aproveitar o 1º de maio para sacar ás rúas a nosa postura contraria ao gasto militar, máis aínda en tempo de recortes.