Hai alguén, en Europa ou en calquera outra parte do mundo, que non queira defender aos seus seres queridos dunha posible ameaza? Que non desexe afastar a sombra terrible da violencia da súa vida e a dos seus? Que non soñe cun futuro no que os seus fillos e fillas, os dos seus amigos e veciñas poidan vivir en paz, desenvolverse como persoas, ter traballos dignos, habitar un planeta habitable, ter un teito sobre as súas cabezas, gozar da cultura ou das relacións sociais enriquecedoras e construtivas e vivir vidas libres de todo tipo de violencias? A sociedade necesita a seguridade que dá unha sanidade e educación públicas de calidade para todas as persoas, a mocidade necesita unha casa onde vivir, os nosos maiores non queren ver perigar a súa pensión e, sobre todo, non queremos que os nosos fillos e netos vivan o horror da guerra.

O sábado 1 de marzo, no inicio do Entroido, vivimos unha xornada ben interesante no centro social A Nubeira co compaña de Koldobi Velasco Vázquez e de todas as persoas que se achegaron. A actividade organizada polo Espazo Aberto Antimlitar e O.V.N.I. quedará gravada no novo centro social da cidade, xa que a charla “O AVANCE do MILITARISMO e a TURISTIZACIÓN: o EXEMPLO de CANARIAS” foi a primeira celebrada na Nubeira. Agardamos que sexa a primeira de moitas actividades.

Koldobi centrou o seu discurso nos vínculos entre a turistización e o avance do militarismo nun mundo cada vez máis vixiado. Para iso, empregou o exemplo das Illas Canarias, a súa terra.

Gravamos a participación de Koldobi, que podedes escoitar en Archive: https://archive.org/details/koldobi-nubeira-1-03-2025

O Espazo Aberto Antimlitar e O.V.N.I. co apoio do novo centro social A Nubeira organizamos unha charla co título: "O avance do militarismo e a turistización: o exemplo de Canarias". Contaremos para esta actividade coa presenza de Koldobi Velasco Vázquez: activista de Alternativa Antimilitarista/MOC, Baladre e profesora de Traballo Social na Universidade de Las Palmas de Gran Canaria. A charla será o sábado 1 de marzo ás 19h30, no C.S. A Nubeira (Pizarro 6, Vigo).

No contexto global de guerras, militarización de todos os aspectos das nosas vidas e aumento do gasto militar, Canarias aparece como un exemplo paradigmático, da guerra nas fronteiras europeas contra a chegada de migrantes, xa que é unha das sedes principais de Frontex (a axencia europea de control de fronteiras) que ademais e deportar, e bloquear os accesos á UE, tamén se encarga de externalizar as fronteiras.

Ademais Canarias cumpre unha función fundamental na intervención do exército español en dez misións militares en África, isto leva a que Canarias teña 1% do seu territorio adicado a instalacións militares.Por outra banda e de forma paradoxal, tendo en conta ese gran esforzo por pechar fronteiras, Canarias tamén é historicamente a punta de lanza do monocultivo español por autonomasia, o turismo.

Turismo como sistema de ocupación do territorio, que explota ás persoas que habitan os destinos turísticos en beneficio de grandes multinacionais e caciques locais, os cales repártense os beneficios da explotación dos recursos naturais e as súas xentes.

O venres 25 de outubro Muéstralo SL. empresa galega organizadora da feira NAVALIA organiza en Vigo un encontro do Clúster de la Industria de Defensa (CID) baixo o título: “La retos de la industria de defensa en un escenario de incertidumbre: impacto del Informe Draghi”. Ao acto que se vai celebrar no pazo Los Escudos están chamados "profesionales de empresas y entidades relacionadas con el ámbito de la defensa y del sector naval".

Desde o Espazo Aberto Antimilitar opoñémonos a este tipo de xuntanzas que deixan de manifesto que a guerra é un gran negocio. Ante esta xuntanza lanzamos o seguinte texto:

Dentro do ciclo "STOP WARS" organizado por OVNI, café UF e o Espazo Aberto Antimilitar contamos o 26 de abril con Borxa Colmenero.

O título da charla co que Borxa pechou as xornadas foi "O conflito como ferramenta de control e poder fronte á vida". Borxa debullou na charla o contido do libro que publicou en 2023 co título "O governo neoliberal da vida".

Podedes escoitar a palestra nesta ligazón: https://archive.org/details/borxa-colmenero

Dende a Coordinadora Antimilitarista Galega propoñemos dentro da campaña pola Obxección Fiscal aos Gastos Militares 2024 varios destinos aos que podedes enviar os cartos que desviedes nas vosas declaracións:

- ISM Estado Español: o movmento de Solidariedade Internacional (ISM polas súas siglas en inglés) é un movemento liderado por palestinos comprometidos a resistir a longa e sistemática opresión e desposesión da poboación palestina, a través dos principios e métodos da acción directa non violenta. +info: spain.palsolidarity.org

Desde a Coordinadora Antimilitarista Galega facemos unha chamada á desobedecer á guerra cos nosos impostos facendo Obxección Fiscal ao Gasto Militar nas declaracións da renda.

Se queredes saber como se fai Obxección Fiscal na declaración da renda visita esta web: https://objecionfiscal.info/como-se-hace-2/

Achegamos o texto da campaña deste ano co que animamos a desviar unha parte dos impostos a proxectos que procuran no cotiá facer unhas sociedades máis xustas e igualitarias:

É tempo de desmilitarizar; é tempo de desobedecer. Fai obxección fiscal!

Vivimos con guerras, conflitos armados e xenocidios, máis de 50, espallados polo mundo.

E vivimos tempos que parecen anunciar novas guerras, mesmo de natureza nuclear. Día tras día escoitamos voces chamando a prepararse para a guerra, a dedicar cada vez máis recursos á súa preparación.

Este mes de marzo, un compañeiro do Espazo Aberto Antimilitar, na súa labor de produtor de envases Metálicos (latas) nunha fábrica local, tiña para fabricar unhas latas Ro_100 para un cliente novo arxelino, cando desempaquetou o fardo de follalata observou que se trataba dunha litografía para o exército.

Detivo a produción e se dirixiu ao xefe de quenda (encargado) para explicarlle que era obxector de conciencia e non colabora cos exércitos, o tipo quedou un pouco descolocado pero díxolle que tiña que facer as latas, polo que procedeu a interpelar á Directora de RR.HH.