actividades

O vindeiro martes 26 de abril dende o Espazo Aberto Antimilitar convídamos a asistir/participar no acto de presentación da campaña contra o gasto militar e pola obxección fiscal 2011.

Este ano a campaña leva por título: “Eles non o farán, fagámolo nós: Recortemos o Gasto Militar" na que animamos a obxectar aos gastos militares na declaración da renda.

A charla será o martes 26 de abril ás 20h30 na Escola Popular Galega (rúa Real, 12 baixo - Vigo). Nela presentaremos a campaña, os datos sobre gasto militar, os destinos propostos para este ano, ademais de ter espazo para resolver as vosas dúbidas sobre OF.

Coincidindo coa celebración do cumio da OTAN en Lisboa nesa cidade fixéronse ao longo da semana pasada numerosos actos en contra desa organización criminal.

Dende o Espazo convocamos un acto de rúa -para as que non puideran achegarse as mobilizacións de Lisboa- o sábado 20 de novembro no cruce de Colón con Príncipe baixo o lema "Agora e sempre, OTAN NON".

Aquí vai o programa do contracumio ANTIOTAN, 19-20-21 novembro que se vai celebrar no Liceu Luís de Camões, Lisboa:

19/11/2010 – Sexta

11:00-11:15 Boas-vindas - Natália Nogal (pela PAGAN) e Reiner Braun (pelo ICC)

11:15-13:00 Palestras - Moderação/mesa: Arielle Denis, Mvt. Paix / Andreas Speck, WRI

* Guerra e Paz (Sandra Monteiro, Le Monde Diplomatique, Portugal)

Esta semana en Lisboa faranse varios actos en contra do cumio da OTAN que se vai celebrar na capital portuguesa estes días. Dende o Espazo convocamos a todas aquelas persoas que non se poidan achegar a Lisboa a un acto de rúa en contra desta organización criminal. será o sábado 20 de novembro ás 18h00 no cruce de Colón con Príncipe baixo o lema "Agora e sempre, OTAN NON".

Coincidindo coa celebración do cumio en Lisboa da organización militar que leva por nome OTAN queremos manifestar:

Dende a fin da chamada Guerra Fría, dito organismo reinventouse a si mesmo como unha ferramenta para a acción militar da intitulada “comunidade internacional”. Porén, trátase dun medio de natureza exclusivamente militar co obxecto de arbitrar medidas excepcionais en caso de conflito armado. A OTAN foi ideada polos Estados Unidos de Norteamérica para un fin moi concreto –a guerra- e conta con bases militares por todos os continentes, menosprezando o control da ONU e mesmo do dereito internacional, acelerando a militarización da sociedade e incrementando o gasto en armamento dos respectivos gobernos aliados. Aspecto a ser tido moi en conta xa que os países da OTAN representan o 75% dos gastos militares a escala planetaria.

O Espazo Aberto Antimilitar convídavos á "Presentación da campaña e mobilizacións contra o cumio da OTAN en Portugal en Lisboa 15-21 nov" na que contaremos coa presenza das compañeiras portuguesas de PAGAN (Plataforma Anti-guerra, Anti-nato) que presentaran as mobilizacións en contra do cumio da OTAN a celebrar en Lisboa entre o 15 e o 21 de novembro.

A presentación será o sábado 23 de outubro a partires das 20h30 na Cova dos Ratos (Romil 3 -Vigo).

Segundo eles mesmos a PLATAFORMA ANTI-GUERRA, ANTI-NATO (PAGAN) "é um movimento anti-militarista português integrado na campanha* internacional «No to War, No to NATO».

Motivada pela circunstância de a próxima cimeira da NATO se realizar em Portugal em finais de 2010, a PAGAN foi criada com o propósito de manifestar pública e pacificamente o desagrado com as políticas belicistas da NATO.

O pasado sábado 19 de xuño o Espazo Aberto Antimilitar saía á rúa para visibilizar as enormes contías que o Estado invirte na guerra, no ano pasado ese gasto supuxo o 12,47% do orzamento total.

Se pensas que un gasto militar de 23.115'03 millóns euros (o 12,47% do Orzamento Xeral do Estado Español) é inaceptable achégate ás actividades que no mes de xuño organizamos dende o Espazo Aberto Antimilitar contra os gastos militares:

- Charla/debate: xoves 17 ás 20h30 no CSA Guindastre (Xulián Estévez 22, Teis)

O pasado mércores 10 de marzo pola tarde, realizouse unha acción reivindicativa, tinguindo de vermello o auga da fonte do monumento aos mariñeiros na Gran Vía de Vigo, colocando unha faixa co lema "Fóra tropas de Afganistán", e pegando nos arredores carteis informativos sobre a ocupación de Afganistán.

Esta acción, enmárcase nunha campaña contra a ocupación de Afganistán, e en xeral contra toda presencia de tropas españolas en conflitos internacionais.