2015

Achegamos os datos referidos ao Estado Español no 2015 de número de obxeccións fiscais ao gasto militar. Neste ano o número total de obxeccións foi de 647 OF – 92.514’73 € (126 OFs menos que o ano anterior).

A nova completa con todos os datos por provincias e destinos o tedes neste enlace: http://www.antimilitaristas.org/spip.php?article5605

O Espazo Aberto Antimilitar continúa coas charlas de presentación da campaña de Obxección Fiscal aos Gastos Militares 2015. Nesta ocasión o novo local de Árbore (López Mora 30 - Vigo) acollerá este acto o venres 29 de maio ás 20:30.

O Espazo Aberto Antimilitar convoca un acto de presentación da campaña de Obxección Fiscal aos Gastos Militares 2015. Será o venres 15 de maio ás 20:30 na parroquia do Cristo da Vitoria de Coia (r/Baiona 9, Coia - Vigo).

A obxección fiscal aos gastos militares é un acto de desobediencia civil que consiste en negarse a  colaborar co estado á hora de sufragar os gastos destinados á preparación de guerras, mantemento da estrutura militar, exército e outros corpos armados destinados ao control social.

Tecnicamente, desobedécese de forma activa no momento de realizar a declaración da renda, desviando unha parte dos impostos que nos cobran a un proxecto que traballe pola xustiza social.

Un deses proxectos, que o EAA propomos como destino da obxección este ano, é a Asemblea Aberta de Coia, que participará tamén na presentación da campaña facendo un repaso destes meses de loita na rotonda de Coia en contra da dilapidación de cartos públicos e da desfeita de políticas sociais.

Este ano na campaña galega pola OFGM 2015 propoñemos a dous colectivos como destino para os vosos cartos:

- Asemblea Aberta de Coia, xurde como contestación veciñal ante a dilapidación que supón a colocación dun barco de valor histórico nunha rotonda dun barrio especialmente golpeado pola crise. Represión policial e xudicial foron as únicas respostas que tivemos dende as administracións; deste xeito, varias persoas do colectivo enfróntase á solicitude de penas de cárcere e a desproporcionadas multas pola súa resistencia pacífica en defensa dos dereitos sociais. O número de conta da asemblea é ES96 2100 4831 90 220006635. +info: nonarotonda@gmail.com | @AsembleaDeCoia | facebook.com/asembleaabertacoia

- Grupo antimilitarista de Alacant, fundado en 1999 en gran parte por persoas que xa proviñan do Movemento de Obxección de Conciencia da Provincia. A día de hoxe forma parte da rede estatal Alternativa Antimilitarista-MOC e coordínase, entre outros, coa Internacional de Resistentes ás Guerras ou a Rede Europea contra a OTAN. Este ano foron xulgados varios dos seus membros por accións antimilitaristas non violentas. +info: www.grupotortuga.com

O ministro Morenés cifra en 27000 os efectivos necesarios para facer fronte ás misións no exterior, así como á “defensa do territorio” e 15000 como forza de intervención rápida en misións internacionais. Nestes momentos hai tropas do exército español en: Bosnia e Herzegovina, Mali, Gabón, Chad, República Centroafricana, Turquía, Líbano, Iraq, Afganistán, Somalia, Yibuti e tamén no Mar Báltico, no Mediterráneo, en augas de Somalia, no Golfo de Adén e no Corno de África.

E no interior

Porén, considera igualmente preciso contar con 12000 efectivos para a vixilancia marítima e aérea a “seguridade interna”. Entre as funcións internas do exército atópanse as desenvolvidas pola UME, entre elas a ocupación das tarefas de loita contra incendios desenvolvidas antes por profesionais (que reivindicaban os seus dereitos) ou o “preservar a seguridade e benestar da cidadanía en supostos de risco, catástrofe, calamidade ou outras necesidades públicas”.

Na fin de semana a xente do Espazo Aberto Antimilitar repartimos na manifestación de Vigo en contra do TTIP os primeiros panfletos da campaña pola Obxección Fiscal aos Gastos Militares 2015. Achegamos o folleto, que podedes descargar neste enlace > http://arkipelagos.net/fiscal_2015.pdf e o texto presentación da campaña.

Se o ano pasado lembrabamos os 25 anos da insubmisión en Galiza e no Estado Español en xeral, este ano queremos facer fincapé na necesidade de que a loita que supuxo contra as guerras e o militarismo continúe sendo unha realidade.

O 7 de abril facenda abre a campaña da renda 2014, moitos grupos do Estado aproveitamos este momento para animar a facer Obxección Fiscal aos aos gastos militares na declaración do IRPF. Lembra que se queres facer este acto de desobediencia non podes confirmar o borrador que che envie facenda.