destinos

Como cada ano, dende o Espazo Aberto Antimilitar (EAA) propoñemos algún colectivo ou campaña como destino da obxección fiscal:

Representantes de varias das organizacións que integran o colectivo ContraMINAcción convocan unha grande manifestación en Compostela para o vindeiro 2 de xuño, que partirá ás 12:00 horas da Alameda. Con esta manifestación, que as entidades organizadoras auguran masiva, preténdese expresar o rexeitamento que está a xerar o incremento de concesións mineiras en Galiza por parte da Xunta sen atender á salvagarda de espazos protexidos, comunidades humanas e medio ambiente; nin á defensa dos miles de persoas e postos de traballo que están ameazados polas actividades extractivas dunhas poucas empresas.

O goberno galego quere facer de Galiza unha mina. Está malvendendo o noso territorio, cachiño a cachiño, ás multinacionais mineiras. De paso, saca un Plan Sectorial de actividades extractivas que pon a minaría por riba de calquera outra actividade. Mesmo por riba das que nos permiten obter os nosos alimentos, como se fose máis importante obter minerais que alimentarse.

Non podemos permitirllo. Non deixaremos que nos rouben o noso futuro. Vén con nós o día 2 berrarlle á Xunta que queremos conservar o noso territorio. GALIZA NON É UNHA MINA

Cos cartos desviados apoiase a distintos colectivos, movementos ou loitas transversais á antimilitarista, como poden ser as loitas antidesenvolvementistas ou as antirrepresivas, entre outras, que procuran a transformación radical da sociedade. A elección é vosa, aínda que sempre facemos propostas, as deste ano son:

Hai uns días chegounos unha mensaxe da xente do Colectivo No a O´Belen na que pedían difusión da campaña en contra de Triodos Bank. Este colectivo denuncia o apoio deste banco ético a unha fundación que ten denuncias moi graves polo trato dado aos rapaces internos nos seus centros.

Este sábado 30 de xuño celébrase en Vigo o IV Encontro da Rede de Hortas da zona de Vigo.

Pola mañá a partires das 12h30, coñeceremos a horta do Barrio do Cura, que organiza esta vez o encontro, e poderemos xuntarnos para compartir novas propostas, novos encontros ou futuras actividades da rede...

E pola tarde -dende as 16h30- de acordo coa idea de aproveitar os encontros tamén para facer algún obradoiro de interese  para as hortas, poderemos aprender un pouco sobre o tratamento de pragas e enfermidades nas plantas de cultivo grazas a Jacobo, labrego de Redondela, que virá ata o encontro para explicárnolo e tentar resolver as dúbidas que teñamos.

Vémonos o sábado.

Lembrade traer o xantar, e difundir a convocatoria entre os vosos contactos!

Se tedes algunha dúbida ou queredes consultar algo: redehortasvigo@yahoo.com ou cascokupa@hotmail.com

As xentes do grupo Grupo Antimilitarista Tortuga achegan toda a información que recolleron en internet sobre as distintas campañas de Obxección Fiscal aos Gastos Militares que se fan en distintas partes do territorio do Estado Español.

Esta fin de semana o barrio acolleu as segundas xornadas en defensa do Barrio do Cura. A pesar da choiva, fíxose o roteiro e tamén o xantar (na cova dos ratos) e o obradoiro de horta e a foliada aplazáronse para outro dia aínda sen determinar.

Unhas xornadas nas que pretendiase o fortalecemento do proxecto e que máis xente unírase e obxectivo cumprido, dous anacos máis de terra cedéronse a xente que vai usalos.

---

Fonte: www.orballo-vigo.blogspot.com.es/2012/04/ii-xornadas-en-defensa-do-barrio-do.html

Un dos grupos propostas como destino da campaña pola OF 2012, a Asemblea pola defensa do barrio do Cura, organiza o vindeiro sábado 14 de abril as II Xornadas en Defensa do Barrio do Cura. O programa é o seguinte:

12h00 - Roteiro guiado: descubre a zona máis descoñecida e ameazada do Casco Vello de Vigo. Sairá da oliveira situada no Paseo de Alfonso