campaña

Dende o Espazo Aberto Antimilitar seguimos, outro ano máis, animando a facer obxección fiscal en contra dos gastos militarizados. Deixamos o texto de presentación da campaña 2013:

O presuposto do Ministerio de Defensa para o ano 2013 é de 5.937 millóns de euros o que, sendo unha barbaridade, supón un descenso do 6,01 % con respecto ao ano anterior. De feito, o presuposto deste Ministerio leva baixando dende o ano 2000, redución que provoca certa inquietude e indignación entre os mandos e responsables militares. Con eses cartos non se pode matar case que nada nin mercar artefactos bélicos de última xeración! Así non hai quen defenda a unidade nacional nin organice desfiles vistosos! e outras queixas polo estilo (se ben, eles dino moito máis fino, que son xente preparada). Esta cantidade apenas dá para pagar os xornais de persoal! Persoal que, por certo, ascende a preto de 180.000 efectivos: 80.000 soldados e mariñeiros, máis de 54.000 (?) mandos, persoal civil e un número indeterminado de reservistas, que non se sabe moi ben para que serven, pero que están aí por se acaso.

Tan pobre é o exército español que para un tema tan importante como “misións internacionais” só se presupostan 14 millóns de euros (claro que no ano 2011 tamén estaban presupostados 14 millóns e a final de ano gastáranse 861).

Co mes de xuño rematan os actos da campaña 2012 pola Obxección Fiscal aos Gastos Militares que o Espazo Aberto Antimilitar en Galiza, e moitos grupos no Estado, vimos desenvolvendo. Aínda tedes tempo para facer a declaración da renda e con ela a OF, de facela por favor achegádenos os datos que estamos a recoller xunto a outros grupos a nivel estatal.

Para rematares convidamos a participar nun acto de peche de campaña que imos facer o sábado 30 de xuño a partires das 19h00 diante do Mercado do Calvario.

No acto haberá paneis informativos sobre: gasto militar - banca armada - sahara - venta armas e recrearemos un campo minado un pouco especial...

Agardamos a vosa participación!

No ano 2011, o gasto militar do Estado español ascendeu a 47 millóns de euros… cada día. Case dous millóns de euros á hora, nun país no que a única música que se escoita é a do recorte: recortes en educación, en sanidade, en dereitos, en medios de subsistencia; en vida. Ademais, o Goberno recoñece unha débeda por gastos militares de, polo menos, trinta e seis mil millóns de euros. Xa nos podemos facer unha idea de como se vai pagar.

Esta política de investimento militar non semella que vaia ser modificada polo “novo” Executivo. O actual Ministro de Defensa, Pedro Morenés, foi xa Secretario de Defensa na época do goberno Aznar, momento no que podemos atopar a orixe da débeda antes apuntada e que foi incrementada de xeito entusiasta polos gobernos de Zapatero. Morenés, ademais, é un dos claros exemplos de relación entre gobernos e industria militar, tendo ocupado nos últimos anos o posto de Director Xeral no estado español de MBDA, considerada a segunda empresa máis importante a nivel mundial no deseño, fabricación e venda de mísiles.

Xa temos dende a semana pasada as cifras da campaña 2011 pola Obxección Fiscal aos Gastos Militares que dende Galiza como dende outros territorios levamos promovendo dende hai anos.

No referido a Galiza os datos non están completos xa que faltan cando menos os da provincia de Pontevedra, dende o Espazo temos contabilizadas cando menos un decena de OF e algúns dos destinos son RAWA, Baladre, ...

Os datos son os seguintes:

TOTAL OBJECIONES EN EL ESTADO: 585 objeciones – 71. 604’18 €

Datos campaña anterior (2010): 609 objeciones – 59.111’02 €

O vindeiro martes 21 de xuño a xente de A Guarda da associaçom cultural a Velha na Horta convidou ao Espazo Aberto Antimilitar a participar na palestra que leva por título: "O gasto militar a debate. Non ao gasto militar".

Será no centro cultural de A Guarda a partires das 19h00.

Seguen os actos de presentación da campaña pola obxección fiscal, deste xeito e convidadas polo CS Lume o vindeiro xoves 19 de maio, às 20h30 dous compañeiros presentarán nese centro social (Gregorio Espino 55) a campaña. Así o contan na web de Lume:

Un ano máis quixemos aproveitar o 1º de maio para sacar ás rúas a nosa postura contraria ao gasto militar, máis aínda en tempo de recortes.

As xentes do colectivo asturiano Alambique de loita contra a exclusión social queren denunciar o mal uso dos recursos de todas as persoas nesta situación de recortes. Por iso berran: Nin un Euro, nin un Home, nin unha Muller para a Guerra!

Achegamos o texto que leva por título: Que non tiren os nosos cartos ao lixo!:

En estos días que todo son recortes en nuestros derechos sociales (la lista es muy larga para enumerarla aquí), es mas necesario que nunca ser capaces de abrir la reflexión sobre las prioridades que tenemos como sociedad. Y esta es una reflexión que a nivel de  comunidad autónoma es más necesaria que nunca.

¿Nuestra prioridad es la especulación, el beneficio económico y la seguridad? o ¿es cubrir las necesidades básicas de todas las personas? ¿Son los ejércitos una necesidad social real? ¿Los menos de mil  puestos de trabajo de las fábricas de armas de nuestra región justifican el uso mortal de sus "productos"?

Desde el colectivo ALAMBIQUE  de lucha contra la exclusión social nos parece necesario propiciar el debate sobre estas prioridades y denunciar el mal uso de los recursos de todas las personas y más en esta situación de recortes.