Ponteareas

O sábado 15 de outubro imos até Ponteareas para participar no Outono Libertario '22.

A partires das 20:00 xunto á xente de 13editora falaremos nu faladoiro que leva por título: Obxección Fiscal, antimilitarismo e elementos de control social. Achegamos o cartaz da actividade e agradecemos ás organizacións o convite.

O pasado sábado 25 inaugurouse a presenza da exposición "25 anos de insubmisión" no centro social O Fresco (enlace), de Ponteareas. O acto, organizado polo Ateneo Lume Negro (enlace) e o propio centro social, consistiu nunha charla na que fixemos un breve repaso da historia do antimilitarismo, os seus principios e  vixencia  destancando, por suposto, o que supuxo a loita da insubmisión.

Co motivo do seu décimo aniversario, o ateneo libertario Lume Negro de Ponteareas ven de publicar un libro onde recollen as aportación daqueles colectivos e persoas que nesta última década teñen pasado polas súas tardes libertarias ou colaborado dalgún xeito co ateneo, entre eles o Espazo Aberto Antimilitar.

Dende aquí mandamos un saúdo aos compañeiros e compañeiras do ateneo, felicitámolos polos seus dez anos de vida e convidámosvos a todas a asisitir ás súas VI Tardes Libertarias, que terán lugar os vindeiros días 1 e 2 de novembro na Casa dos veciños e veciñas de Angoares.

Como sinalan na súa web a "publicación consta de 154 páxinas, e inclúe textos de: Félix Rodrigo Mora, Miguel Martínez, Pedro García Olivo, Miguel Amorós, Gato Negro, Lucio Urtubia e máis persoas e colectivos que ao longo destes dez anos colaboraron ou colaboran co Ateneo Libertario Lume Negro."

Achegamos o audio da presentación da campaña pola OF que fixemos nas V tardes libertarias, organizadas pola xente de Lume Negro en Ponteareas o pasado de 26 maio.

Na presentación ademais da presentación da campaña se resolveron algunhas dúbidas técnicas.

O Ateneo Lume Negro vai celebrar, outro ano máis, as V Tardes Libertarias o vindeiro sábado 26 de maio 2012 en Ponteareas (Pontevedra) co título que escollemos é: "REALIDADES POSIBLES SEN CAPITALISMO".