banca armada

O sábado 29 de marzo Jordi Calvo presentará en Compostela o libro "Banca armada Vs Banca Ética". Será na libraría Couceiro (Praza Cervantes 6, Compostela) a partires das 19h00.

Banca Armada é o termo que, tras seis anos de campaña do Centre d'Estudis per la Pau J.M. Delas (Justicia i Pau), SETEM e o Observatorio da Débeda na Globalización denunciando os investimentos das entidades financeiras na industria de armamento, utilízase para se referir aos bancos e caixas que invisten en armamento. Neste libro amósae que máis de 60 entidades financeiras, e sobre todo, os grandes bancos teñen investido polo menos 45.000 millóns de euros en armas na última década.

"A banca armada expándese. 26 entidades financeiras españolas pasaron de investir 4'6 mil millóns de euros en empresas armamentísticas ata 2012 a contar 7'3 mil millóns no 2013, segundo afirma o último informe do Centro Delàs d'Estudis pola Paz "Evolución da banca armada en España". Os principais bancos implicados son o BBVA, o Banco Santander, Bankia, Banca March, LiberBank, CaixaBank, CatalunyaCaixa e Banco Sabadell. Á lista de entidades financeiras súmanse o Instituto de Crédito Oficial (ICO), banco público adscrito ao Ministerio de Economía e Competitividade, e a Sociedade Estatal de Participacións Industriais (SEPI), entidade de Dereito Público dependendo do Ministerio de Facenda e Administracións Públicas español."