Asasinan ao líder da Comunidade de Paz de San José Apartadó (Colombia)

En Colombia, produciuse outro ataque á Comunidade de Paz de San José de Apartadó, a uns 500 km. da cidade de Medellín.

Nesta comunidade autoorganizada e que se mantén firme nas súas posicións pacíficas fronte ao conflicto armado, voltouse a vivir a traxedia. Os paramilitares asasinaron a Dairo Torres, líder da comunidade de paz. Desde a Comunidad contan que o pasado día 13 foi interceptado o vehículo de servizo público no que viaxaba Dairo por dous paramilitares, os mesmos que un día antes chegaran facendo ameazas contra a comunidade de paz.

Con armas cortas nas mans obligaron a Dairo a baixar, logo os paramilitares dixeron ao conductor do vehículo que seguira a súa marcha, e alí mesmo asasinaron a Dairo Torres.

Non é a primeira vez que asasinan a membros da comunidade de paz de San José de Apartadó. O 21 de febreiro de 2005 os paramilitares asasinaron a 3 nenos e cinco adultos, brutalmente torturados e despedazados pola Brigada 17 da rexión de Urabá do exército colombiano.

Esta comunidade é un dos destinos alternativos propostos na Campaña de Obxección Fiscal que impulsou o Espazo Aberto Antimilitar.

Máis info en: http://galiza.indymedia.org/pt/2007/07/11806.shtml